සංචාරක ඕස්ට්‍රේලියානු කණ්ඩායම සහ ශ්රී ලංකා කණ්ඩායම අතර පැවති දෙවන ටේස්ට් ක්රිකට් තරගය ජය පරාජයෙන් තොරව නිමාවට පත්විය.
පල්ලෙකැලේ ජාත්‍යන්තර ක්රීඩාංගණයේ පැවති තරගයේ පස්වන දිනය වන අද වර්ෂාව හේතුවෙන් තරගය නතර කරන විට ශ්රී ලංකා කණ්ඩායම සිය දෙවන ඉනිම සඳහා කඩුලු 6ක් දැවී ලකුණු 317ක් රැස් කර ගෙන සිටියේය.
එහි දී තරංග පරණවිතාන , කුමාර සංගක්කාර සහ මහේල ජයවර්ධන අර්ධ ශතක ලබා ගැනීමට සමත් විය.
ශ්රී ලංකා කණ්ඩායම පළමු ඉනිම සඳහා ලබා ගත්තේ ලකුණු 174ක් පමණි. පිළිතුරු වශයෙන් ඕස්ට්‍රේලියානු කණ්ඩායම පළමු ඉනිම සඳහා කඩුලු 7ක් දැවී ලකුණු 411ක් රැස් කර ගත්තේය. ඒ අනුව තරගය ජය පරාජයෙන් තොරව නිමාවට පත් වූ අතර තරගාවලිය 1ට බින්දුවක් ලෙස ඕස්ට්‍රේලියානු කණ්ඩායම ඉදිරියෙන් සිටියි.දෙරට අතර තුන්වැනි ටෙස්ට් ක්රිකට් තරගය ලබන 16 වැනිදා කොළඹ දී ආරම්භ වේ.
